Gemeente2026-03-011 min lees· Anton JvRensburg
(Na aanleiding van verlede Sondagaand se preek oor Azasel)
Asazel (Levitikus 16)
Een jaar sonde deur Aäron ingedamp tot bitter gal by altaarvure word met belydenis en bede onuitwasbaar ingesmeer tussen ore wat stil-vraend roer.
Onskuldig hy aan die vervloekte konsentraat wat taai bly klou aan huid en haar. Verby skuilings ragfyn tent kies hy tydsaam koers na eensaam sterwe onder brandglas van Sy toorn
Later bind dieselfde lens die son van Sy geregtigheid in witwarm fokus:
Een spiespunt pyn teen Skedelplek se kruin.
(Anton JvRensburg)
