Beperkte Sitplek Erediens 4 Okt 2020

Die volgende reëlings sal geld vir hierdie oggend-eredienste:

• Almal word gevra om in groot verantwoordelikheid te besluit oor sy/haar teenwoordigheid. Indien u self siek is of ‘n risiko vir ander lidmate is om ook siek te word, vra ons u om uit liefde en omgee vir u medegelowiges tuis te bly en op die internet-uitsending in te skakel.
• Die gemeente word met die oog op bywoning van die oggend-eredienste volgens vanne in twee blokke verdeel. Lidmate met vanne wat begin met A-L is blok 1 en lidmate met vanne wat begin met M-Z is blok 2. Die blokke kry agtereenvolgens ‘n beurt om die eredienste by te woon. In effek sal elkeen dus elke tweede week ‘n erediens kan bywoon.
• Almal moet asseblief hulle plekke vooraf bespreek sodat ons nie die gemagtigde getal van 250 persone oorskry nie. U kan u plek deur die loop van die week op ons gemeente se webtuiste bespreek. Indien u nie internet het nie kan u vir Jenny in die kerkkantoor (021-919 4303) skakel vir hulp. Die besprekingstelsel op ons webtuiste is so opgestel dat indien die getal van 250 persone vol is, daar geen verdere besprekings aanvaar word nie.
• Almal word versoek om steeds ‘n masker te dra en by aankoms van die hand saniteerder gebruik te maak. Behou in die kerkgebou asook daarbuite ‘n veilige afstand tussen u en ander lidmate.
• Daar sal twee bemande ingange wees. By aankoms word u versoek om by die bemande tafel net langs u naam te teken by die twee belangrike covit-vrae oor u gesondheid en bewegings. Die vrae is: Enige covit-19 simptome? Laaste 14 dae enige kontak gehad met ‘n positiewe covid-19 geval?
• U word ook vriendelik versoek om in die kerkgebou ‘n veilige afstand tussen u en ander lidmatete behou. Gesinne en egpare kan egter bymekaar sit.
• Daar sal vir veiligheid geen kollektes tydens die eredienste opgeneem word nie. Ons vra u omsteeds deur middel van Zapper of ‘n elektroniese inbetaling u bydrae te gee met die korrekteverwysing.
• Na afloop van die eredienste word u ook vriendelik versoek om nie in die kerkgebou te kuiernie maar wel buite met in ag neming van u eie en ander se veiligheid.
• Hierdie reëlings sal voordurend gemonitor word en aangepas word waar nodig.